„Haustið 2008 leituðum við til Congress Reykjavík vegna undir­búnings og skipulags norrænnar vísindaráð­stefnu um öldrunarmál sem halda átti vorið 2010 (20 NKG). Þetta var óvanalega erfiður tími til að skipuleggja stóra ráðstefnu vegna ástandsins í efnahagsmálum. Fljótlega varð ljóst að skipta þurfti um ráðstefnustað því tónlistarhúsið yrði ekki tilbúið. Þegar nær dró og erlendir, tilvonandi ráðstefnugestir voru að skipuleggja för sína hingað skall á öskuský í háloftum Evrópu með sínum vel þekktu afleiðingum á ferðir og ráðstefnuhald.

Í gegnum þessar þrengingar nutum við leiðsagnar starfsfólks Congress og var hvergi hvikað frá settu marki.

Ráðstefnan var haldin í á Hilton Nordica með þátttöku 525 ráðstefnugesta. Haldin voru tæplega 200 erindi og sýnd liðlega 100 spjöld á spjaldasýningu auk þess sem ýmsir aukafundir voru skipulagðir af Congress. Á fundi að lokinni ráðstefnu var tekið út hvernig til hefði tekist og þar lauk gagnrýnin sveit norrænna vísindamanna lofsorði á allt skipulag.

Þjónusta Congress einkennist af mikilli fagmennsku, áreiðanleika og nauðsynlegum sveigjanleika. Starfsfólkið hefur einnig mikla færni til að takast á við óvænt atriði stór og smá og á það reyndi óvanalega mikið í þetta skipti.

Það er því auðvelt að gefa Congress okkar bestu meðmæli.“

Jón Snædal,

forseti 20 NKG og Nordisk Gerontologisk Forening